Almennt:

iSíminn ehf áskilur sér rétt til að hætta við pantanir, t.d. vegna rangra verðupplýsinga og einnig að breyta verðum eða hætta að bjóða upp á vörutegundir fyrirvaralaust. Áskilinn er réttur til að staðfesta pantanir símleiðis. Pöntunum er eytt ef þær eru ekki greiddar innan 10 daga.

Vefsíða þessi birtir stærstan hluta úr vöruúrvali iSímans þó það sé ekki tæmandi. Tilgangur vefsíðunnar er að veita viðskiptavinum upplýsingar um vörur og bjóða þeim að versla vörurnar hvar og hvenær sem er. Ekki er tryggt að verð á vefsíðu endurspegli verð í verslun né heldur að vörur séu til á lager. Það geta komið upp aðstæður þar sem verð og lagerstöðu ber ekki saman við verslunina. Allar upplýsingar eru birtar með fyrirvara um myndbrengl og villur í texta.

 

Afhending vöru:

Allar vörur eru afgreiddar næsta virka dag eftir pöntun. Sé varan ekki til á lager mun þjónustufulltrúi hafa samband og tilkynna um áætlaðan afhendingartíma vörunnar. Af öllum pöntunum dreift af Íslandspósti gilda afhendingar-, ábyrgðar og flutningsskilmálar Íslandspósts um afhendingu vörunnar. iSíminn ehf kaupir ábyrgðartryggingu á allar vörur sem fluttar eru til kaupenda með Íslandspósti. Verði vara fyrir tjóni frá því að hún er send frá iSíminn ehf til kaupanda verður tjónið að fullu bætt.

 

Vöruskil á ógölluðum vörum:

Veittur er 14 daga skilaréttur við kaup á vöru gegn því að framvísað sé sölureikningi sem sýnir með fullnægjandi hætti hvenær varan var keypt. Varan þarf að vera ónotuð, í fullkomnu lagi og í sínum upprunalegu óskemmdu umbúðum þegar henni er skilað. Ef vara er innsigluð má ekki rjúfa innsiglið. Við skil á vöru er miðað við upprunalegt verð hennar, nema viðkomandi vara sé á útsölu eða á sértilboði við vöruskil. Þá er miðað við verð vörunnar þann dag sem henni er skilað. Ef kaupandi vill ekki skipta vörunni fyrir aðra vöru verður gefin út inneignarnóta (kreditreikningur) eftir að varan er móttekin. Inneignarnótan gildir í eitt ár frá útgáfudegi og er gild við almenn vörukaup nema á útsöluvörum eða vörum á sértilboði. Flutnings- og póstburðargjöld eru ekki endurgreidd.

 

Ábyrgð:

Allar almennar vörur eru seldar með tveggja ára ábyrgð til neytenda, en eins árs ábyrgð til fyrirtækja og er sölureikningur vörunnar ábyrgðarskírteini hennar. Ábyrgð er tekin á galla í vöru miðað við eðlilega notkun hennar ásamt varahlutum og vinnu. Rekstrarvörur svo sem rafhlöður og viftur eru seldar með 6-12 mánaða ábyrgð eða samkvæmt endingarmati framleiðenda þeirra.

 

Takmörkun á ábyrgð:

Ábyrgð fellur úr gildi:

1. Ef aðrir en starfsmenn iSíminn ehf hafa reynt að gera við vöruna án leyfis iSímans ehf.

2. Ef varan hefur verið tengd við ranga spennu eða straumtengi.

3. Ef verksmiðjunúmer eða innsigli hafa verið fjarlægð eða rofin

4. Ef varan hefur orðið fyrir slæmri eða rangri meðhöndlun að mati tæknimanna iSímans ehf eða skemmst í flutningum

5. Varan hafi verið notuð við óviðunandi aðstæður

6. Ef varan hefur verið seld öðrum aðila á ábyrgðartíma

 

Ábyrgð er ekki tekin á:

1. Eðlilegu sliti vörunnar

2. Gögnum eða hugbúnaði á hörðum diskum tölva og þarf eigandi að bera kostnað af færslu á þeim á milli diska.

3. Afleiddu tjóni vegna bilunar vöru.

 

Skilmálar verkstæðis / þjónustudeildar:

1. Engin ábyrgð er tekin á gögnum í þeim tækjum sem unnið er við, enda er það á ábyrgð og kostnað hvers eiganda að taka afrit af gögnum á sinnu tæki.

2. Vinna á verkstæði er samkvæmt tímagjaldi

3. Ef bilun kemur ekki fram við skoðun má innheimta sérstakt skoðunargjald

4. Ef vara sem komið er með til ábyrgðarviðgerðar reynist ekki biluð eða viðgerð fellur ekki undir ábyrgðarskilmála, þarf eigandi að greiða fyrir þann tíma sem farið hefur í viðgerðina.

5. Ráðleggingar frá starfsmönnum verslunar og þjónustusviðs eru aðeins til upplýsinga en fela ekki í sér ábyrgð þeirra eða iSímans ehf.

6. Ábyrgð á varahlutum er 3-6 mánuðir eða samkvæmt endingarmati framleiðenda þeirra.

7. Símar sem eru lánaðir út eru á ábyrgð notanda.

Í öllum tilvikum er reynt að hafa viðgerðartíma sem stystan. Algengur viðgerðartími getur verið frá 1-5 virkum dögum, allt eftir verkefnastöðu verkstæðis hverju sinni. 

 

Skilmálar viðgerðarsíma:

1. Sé búnaðurinn ekki sóttur innan þriggja mánaða frá verklokum verður ekki hægt að ábyrgjast afhendingu, skv. 38. gr. laga nr. 42/2000.

2. Gögn verða einungis afrituð að beiðni viðskiptavinar og eftir því sem við verður komið tæknilega. Athugið að engin ábyrgð er tekin á gögnum.

3. Hreinsunargjald er innheimt þegar um er að ræða hreinsun á síma t.d vegna bleytu- eða rakaskemmda. Þetta gjald þarf að greiða hvort sem hreinsun ber árangur eða ekki. Engin ábyrgð er borin á hreinsun.

4. Ekki er tekin ábyrgð á frekari ófyrirséðum bilunum sem geta komið upp við viðgerð enda þegar bilað tæki er tekið til viðgerðar þá getur fleira verið að en gert var ráð fyrir í fyrstu.

5. Tækið verður ekki afhent nema með framvísun viðgerðabeiðnar.

 

Verð, skattar og gjöld:

Verð geta breyst án fyrirvara. Öll verð eru með 24% VSK og birt með fyrirvara um innsláttarvillur.

 

Trúnaður:

Seljandi heitir kaupanda fullum trúnaði um allar þær upplýsingar sem kaupandi gefur upp í tengslum við viðskiptin. Upplýsingar verða ekki afhentar þriðja aðila undir neinum kringumstæðum.

 

Eignarréttarfyrirvari:

Hið selda er eign seljanda þar til verðið er greitt að fullu. Samþykktir víxlar, skuldabréf eða greiðsla með ávísunum afnema ekki eignarréttinn fyrr en full greiðsla hefur borist.

 

Skilmálar þessir eru verslunarskilmálar iSímans ehf og tóku gildi þann 1.janúar 2016.  Skilmálar þessir teljast samþykktir af hálfu viðskiptavinar (kaupanda) þegar viðskipti hafa átt sér stað á milli kaupanda og seljanda (iSíminn ehf)

Lögheimili félagsins og varnarþing er í Reykjavík.